مدرسة طابا الاعدادية بنات

بلادي بلادي بلادي لكي حبي و فؤادي..مصر يا ام البلاد انتي غايتي و المراد و علي كل العباد كم لنيلك من أيادي..مصر انتي اغلي درة فوق جبين الدهرغرة يا بلادي عيشي حرة و اسلمي رغم الأعادي..مصر اولادك كرام اوفياء يرعوا الزمام سوف تحظي بالمرام، باتحادهم واتحادي...
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 التعصب فى الكوره وكيف يعالج وانواع التعصب

اذهب الى الأسفل 
كاتب الموضوعرسالة
sara ali
عضو متميز
عضو متميز
avatar

عدد المساهمات : 91
الوظيفة : طالبة

مُساهمةموضوع: التعصب فى الكوره وكيف يعالج وانواع التعصب   الخميس أكتوبر 29, 2009 10:30 pm


في كتير قوي مواضيع عن التعصب بس المرة دي احنا هانتكلم عن 3حاجات
1- لية فيه تعصب
2-كيف نقلل التعصب


3-انواع و كل واحد مننا






اولا لية فيه تعصب و من وجهة نظري السبب 4 حاجات



-الاهتمام الزائد عن اللزوم بالكرة
كنت يوم الاربع راجع من الامتحان و قرفان و قولت انزل بالليل فنزلت قعدت علي قهوة و احنا قاعدين قلت اغيظه (واحد صاحبي) شوية عشان عارف انة اهلاوي شوية فبقوله اية اخبار سانتوس كنوع من الهزار معاه فسئلني قال لي هو احنا ليه في مصر كلامنا على طول عن الكورة ففكرت شوية و والله مش لاقي لها اجابة منطقية قوي
انا ملاحظ ان الناس بقت بتهتم بالكرة زيادة عن اللزوم و شايف ان دية عشان لاهي الناس عن حاجات كتير و ممكن يكون هروب من الكلام عن واقع الناس مش عايزة تواجهه يعني انا مثلا 70% من الكلام مع صحابي بيبقى عن الكرة و ناس كتير كدة



2-برامج رياضية يومية و كثيرة و فيها تعصب



يعني انا هاتكلم بجد احنا لو حصرنا التعصب الاعلامي في مصر هنلاقي في جبهتين اهلي و زمالك ففي برامج تكسب الاهلوية بانها تيجي علي الزمالك و العكس صحيح يعني شوبير تتفرج عالية و عارف انة بيحاول يشتى الطرق يبين للاهلوية تحيزة ليهم و يقول الاهلي دة اكبر فريق في مصر و مش بيهمه غضب الزمالكوية المهم يكسب حبها غير حجات كتير
و في المقابل تلاقي خالد الغندور بردو بيجيب حجات كتير ضد الاهلي و تحس انة مهتم بالزمالك اكتر و الي عايز يكسب الزمالكوية يبقا لازم يكسب معاهم الاسمعلاوية



3-وجود برامج رياضية باسم كل فريق و قنوات باسم كل فريق
و اقصد بالاهم برنامج زمالكاوي و اهلاوي و اسمعلاوي
انا مش بصدق الي بشوفة في البرامج دية يعني في بدايتهم عجبتني الفكرة و ان كل واحد هايتكلم عن ناديه
لكن بقيت بتفاجئ بحجات غريبة
يعني في برنامج زمالكاوي عقب خروج الاهلي من افريقيا اصبحت بسمع اغاني تريقة علي الاهلي و طبعا برنامج اهلاوي مايسكتش لازم يرد و طبعا اسمعلاوي مايسكت لازم بردو يرد
بوصوا يا جماعة الجزء دة من برنامج اسمعلاوي و هم عاملين نكت علي ريشة و الاهلي !! دية بقت لغة الحوار عندنا
كل ماسبق دة اسباب جامدة جدا للتعصب



4-روابط اندية يقودها شباب مندفع
روابط الاندية في بدايتها كانت كويسة و تشجيع فرقها طول الماتش و معاة في اي حتة بس اتقلبت دلوقتي منذ بداية حرق المشجع و تكسير اتوبيسات النادي المنافس و اخيرا بخطف مشجع و عرض ملابسة علي موقع الرابطة
انا ليا واحد صاحبي من رابطة التراس اهلاوي كنت مقابلة في مرة و لاقيتة مستعجل فبقوله علي فين؟ فلاقيتة بيقولي نازلين للوايت نايتس بقولة لية خير؟ فلاقيته بيقوللي امبارح كسروا اتوبيسات لاعيبة الباسكت و ضربوهم
فهذا اصبح السلوك بين الاتنين بقوا زي الهوليجان









كيف نقلل التعصب



اولا ان نعرف يعني اية كلمة رياضة

الرياضة تعني : عبارة عن مجهود جسدي عادي او مهارة تمارس بموجب قواعد متفق عليها بهدف الترفيه، المنافسة، المتعة، التميز أو تطوير المهارات، واختلاف الأهداف، اجتماعها أو إنفرادها يميز الرياضات بالاضافة إلى ما يضيفه اللاعبون أو الفرق من تأثير على رياضاتهم

اننا المفروض نتمتع بيها يعني بلاقي الناس في دول اوربا ممكن يخسرو كاس اوربا و تلاقيهم بيصفقوا لفريقهم اقول دول عبط ولا اية دول مش خسرانين
لكن المشجع في اوربا يختلف عننا
عندهم هناك اجازتهم الحد و بيقى في كل اسبوع ماتش كل واحد منهم يحجز لاسرتة و يروح قبل الماتش بساعة و ليه رقم كرسي يقعد عليه و رايح كفسحة و عشان يستمتع
هنا تلاقي الماتش الساعة 9 بليل و تلاقي الناس في عز الشمس علي واحدة كدة نازلة تقولة ليه ياعم الحج يقولك عشان قصادي طابور ساعتان و عشان احجز مكان حلو
الواحد منهم ينزل الساعة 1 الضهر يوصل علي 2 مثلا يوقف في طبور عرضة 2 متر و مش شايف اخرة و طبعا مافيش اكسجين و لو وقعت في الارض يبقا البقاء لله و غير التفتيش الي بتتفتش حوالي 5 مرات غير الجديد علينا اقلع الجزمة " داخل جامع انا "
و المشجع يطلع عينة عشان يدخل اولا بيبقى خلصان و بيفضل قاعد في الماتش مش قادر يشجع دة بسبب البهدلة دية و
التشجيع و الشتيمة في الفريق الاخر قبل الماتش
الرجوع الى أعلى الصفحة اذهب الى الأسفل
http://tabaschool2.ibda3.org
 
التعصب فى الكوره وكيف يعالج وانواع التعصب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مدرسة طابا الاعدادية بنات :: l|][Ξ¯▪ـ‗_ اركان عامة _‗ـ▪¯Ξ][|l :: ركن الآراء و المقترحات-
انتقل الى: